Poesia "Ritorno col pensier" di Gianni Grohovaz

RITORNO COL PENSIER

Una bava de ponente sfiora el legno
mentre 'na vela se alontana al largo
afonda i remi con 'na voja matta
lassando a poppa la laguna amena.
Voga, sfida el golfo, taja l'onda
torna per mar a la perduda sponda!

E quando el promontor gira a la larga
e scoi, e spiage vedo su la costa,
so ch'el Quarnero non xe più lontan
ecco! Quasi serado de le lunghe rocce
coverte de oliva e mus-cio e vigna
e poi, son in mezo al mar che tanto sogno!
Quanto salada xe l'acqua del mio mar,
quanto sudor e quanti pianti in cor...
Drio de Mos-ciena el sol ormai tramonta
de rosso el ciel se tinge, el mar se indora
... passo Medea che una campana sona
sento de Ica, un'altra ghe risponde...
Fila la barca da una baja a l'altra
passa Laurana dal profumo intenso
passa Abazia regina del Quarner,,,
Volosca, e de Preluca el monte e el pian
... l'ultimo scojo mentre el zel se oscura
e mile luci vedo su la sponda...

Una bava de orgoglio qua sul peto
de questo prodigo tuo fio derelito
che stanco dell'esilio e el pan amaro
xe ritornado per basar la tera...
Son tornado per portarte a Fiume
tuto l'amaro del mio esilio infame!